चैत्र १८, काठमाडौँ|
शंखरापुर नगरपालिकाको प्रमुख प्रशासकिय अधिकृतमा लेखनाथ न्यौपानेलाई आज नगरपालिकामा स्वागत गरिएको छ|यसअघिका प्रमुख प्रशासकिय अधिकृत भोजराज खतिवडा सहसचिवमा बढुवा भएसंगै मन्त्रालयमा सरुवा हुनुभएको छ | शंखरापुर नगरपालिकामा आज आयोजित एक कार्यक्रमका बिच शंखरापुर नगरपालिकाका प्रमुख सुबर्ण श्रेष्ठ तथा उपप्रमुख शुक्रलक्ष्मी श्रेष्ठले उहाँलाई नगरपालिका कार्यालयमा स्वागत गर्नुभएको हो।सो कार्यक्रममा शंखरापुर नगरपालिकाका बिभिन्न वडाका वडाअध्यक्ष,तथा नगरपालिकाका विभिन्न शाखाका कर्मचारीकोहरुको समेत उपस्थिति थियो।
स्याङ्जामा जन्मिनुभएका न्यौपानेको २०५४ सालमा सरकारी सेवामा प्रवेश गर्नुभएको हो| सरकारी सेवामा करिव २३ बर्षको अनुभव संगाल्नुभएका न्यौपानेले नेपालका विभिन्न जिल्लामा काम गरेको अनुभव छ |तनहुको बन्दिपुर,स्याङ्जा,रोल्पा र गोरखा जिल्लाका विभिन्न पालिकामा काम गरेकोअनुभव रहेको समेत उहाले सो अवसरमा बताउनुभयो| समुदायखबरलाई छोटो प्रतिक्रिया दिदै न्यौपानेले छुट्टै ऐतिहासिक तथा धार्मिक महत्व बोकेको शंखरापुर नगरपालिकालाई साँस्कृतिक शहर तथा बिश्व सम्पदा सुचिमा सूचीकृत गर्न आफुले विशेष पहल गर्ने समेत बताउनुभयो।साथै यस शंखरापुर नगरपालिकाकाबाट जनतालाई प्रवाह हुने सेवा सुबिधालाई छिटो, छरितो र सहज बनाउन सबै कर्मचारीलाई उत्प्रेरित गर्ने समेत उहाँले बताउनुभयो।
