शंखरापुर १, भारेगाउँमा आगलागी हुँदा गाई र बाख्रा मरे

२१ चैत्र, काठमाडौँ|

शंखरपुर १ स्थित भारेगाउँमा आगलागी भएको छ| बहादुरे बारीको रेवतीरमण दंगाल (सागर) को गाई गोठमा आज दिउसो ३:००  बजेतिर सो आगलागी भएको हो| गोठमा कुडो पकाउदा उक्त्त आगलागी भएको स्थानीय रमणी प्रसाद दंगालले समुदायखबरलाई जानकारी दिनुभयो| आगलागीमा परि १ गाई उसको  बाछो र बाख्रा मरेका छन् भने गोठ पूर्ण रुपमा जलेको छ| आगलागीको खबर लगत्तै नाङ्गलेभारे प्रहरी चौकीका इन्चार्ज प्रहरी नायब निरीक्षक गणेश बहादुर श्रेष्ठको टोलि र छिमेकी मिलेर करिव ४:०० बजे सो आगलागी नियन्त्रणमा लिएका थिए|साथै सो आगलागीबाट करिव ३ लाखको क्षति भएको समेत श्रेष्ठले जानकारी दिनुभयो| जलेर मरेका गाई तथा बाख्राको बिमा गरिएको बताइएको छ|

यस क्षेत्रका स्थानीयको आम्दानिको प्रमुख श्रोत पशुपालन र दुध व्यवसाय रहेको छ| पछिल्ला दिनमा बढदो हावाहुरी तथा अन्य कारणले गर्दा आगलागीका घटना बढी रहेका छन् |