साउन २२, काठमाडौं।
शंखरापुर नगरपालिका वडा नं ३ स्थित बोजेनिमा गुडिरहेको कारमा आगलागी भएको छ| गत साउन १६ गते दिउँसो ४ बजे आफैले चलाएको प्राइभेट कारमा अचानक आगलागी हुँदा नेकपा एमाले सम्बद्ध अनेरास्ववियुका स्थाई कमिटी सदस्य राजकुमार लामिछाने घाईते भएका हुन् | ब्यक्तिगत कामको शिलशिलामा आफैले चलाएको बा ३ च ४७९७ नम्बरको स्यान्ट्रो गाडी उकालोमा रिभर्स गर्दा वाईरिङ सर्ट भै आगलागी भएको प्रत्यक्षदर्सी बताउछन। घाईते लामिछानेलाई तत्कालै नाङ्गलेभारे प्रहरी चौकीका प्रहरीको सहयोगमा उपचारको लागि सुष्मा कोइराला मेमोरियल हस्पिटल साँखुमा पुर्याइएको थियो।हस्पिटलको केहि दिनको उपचारपछि हाल लामिछाने घरमै बसेर आराम गरिरहेका छन्।उक्त दुर्घटना पश्चात् गाडी पुर्ण रुपले जलेको छ। बिरलै हुने यस्तो दुर्घटनाबाट भाग्यबस बाँच्न सफल भएकोमा लामिछानेले सबै सुभेच्छुक प्रती आभार समेत व्यक्त गरेका छन्।
