शंखरापुरको सिरानाचौरमा भीरबाट लडेर एकजनाको मृत्यु

साउन २२, काठमाडौँ|

शंखरापुर नगरपालिकाको बोजेनी र सिरानाचौरको बिचमा पर्ने भीरबाट लडेर एक जनाको मृत्यु भएको छ| मृतक काठमाडौँ जिल्लाको शंखरापुर नगरपालिका वडा नं ३, सिरानाचौरका २७ बर्षीय सुरेन्द्र भुजेल हुन्|(हिजो ) साउन २१ गते बिहिबार साँझ ७ बजेदेखी हराईरहेका भुजेलको खोजि गर्दा आज दिउसो १ बजे सिरानाचौरको सडकभन्दा करिव ३०० मिटर तल खोल्सामा उनका दाजुले उनको लाश भेट्टाएका हुन|प्रारम्भिक अनुसन्धानका क्रममा मृतकले अत्याधिक मादक पदार्थ सेवन गरेको र सोहि कारणले लडेको हुनसक्ने नाङ्गलेभारे प्रहरी चौकीका इन्चार्ज, प्रहरी नायव निरीक्षक गणेश श्रेष्ठले बताउनुभयो| मृतक भुजेल छारे रोगको बिरामी भएको समेत बताइएको छ|मृतको भुजेलको सन्तानको रुपमा एक ८ बर्षीय छोरा छन्| उनको लाश अहिले पोस्टमार्टमका लागि लागिएको छ |