आरोहण शाह,पर्सा । पर्साको ठोरीस्थित सीता गुफा नजिकै रहेको सीमा स्तम्भ उखेलेर फालेको अवस्थामा फेला परेको छ ।
प्रधानमन्त्री केपी शर्मा ओलीले भगवान रामको जन्मभूमि अयोध्या ठोरीमा पर्ने उदघोष गरेसँगै चर्चामा आएको सीता गुफा क्षेत्रको नेपालतर्फ पर्ने सिता गुफाभन्दा करिब १० मिटर दक्षिणतर्फ रहेको ३५ नम्बरको सीमास्तम्भ उखेलिएको अवस्थामा फेला परेको हो।
प्रधानमन्त्री केपी शर्मा ओलीको अभिव्यक्तिपछि हर्षित ठोरीका स्थानीयले सीता गुफा, वनशक्ति मन्दिर लगायतका शक्तिपीठहरुमा शनिबार विशेष पूजा अर्चना समेत गरेका थिए। त्यही बेला त्यहाँ जम्मा भएका उनीहरुले स्तम्भ उखेलिएर फ्याकिएको देखा परेको थियो।
सीता गुफा परिसरमा भेला भएका स्थानीयले सो ठाउँबाट घडा बोकी अमृत धारामा जल भरेर ठोरीको ऐतिहासिक वन शक्ति मन्दिर प्ररिक्रमा गर्दै सीतागुफासम्म जलयात्रामा सहभागि रहेका केहि व्यक्तीले दुई देशलाई लडाउन खोजेको ठोरीवासीको भनाइ रहेको छ।
शनिबार कलश यात्रामा सहभागीहरुले राम र सीताको जयजयकार गर्दै भजन कीर्तन समेत गरेका थिए। बिहान हामीले पूजा गर्दासम्म त्यो सीमा स्तम्भ त्यहि नै थियो। दिउँसो हेर्दा त्यहाँ थिएन। उखेलेर फ्याँकिएको अवस्थामा देखियो ठोरी गाउँपालिका २ का स्थानीय बिजय सापकोटाले भने पहिला पनि यो स्तम्भका बारेमा पटक पटक विवाद भएका छन् ।
सिमा स्तम्भ कसले उखेलेर फाल्यो आफुहरुलाई थाहा नभएको स्थानीइको भनाइ छ। तर, पूजा आराधाना गर्नेक्रममा घुसपैठ भएको हुनसक्ने स्थानीयको आशंका छ।
