कागेश्वोरी मनोहरामा रेबिज बिरुद्द्को खोप कार्यक्रमको सुरुवात

 कागेश्वरी मनोहरा नगरपालिका पशु सेवा शाखा द्वारा विश्व रेबिज दिवसको अवसरमा नगर भित्रका घर पालुवा तथा समुदायमा छाडा कुकुर तथा बिरालोहरुलाई निशुल्क रेबिज भ्याक्सिन लगाउने कार्यक्रमको सुरुवात भएको छ | यहि  असोज ११ गते नगरपालिकाको प्राङ्गणमा शुरु उक्त्त कार्यक्रमको सुरुवात  कागेश्वोरी मनोहराकाका मेयर  कृष्णहरि थापाको उपस्थितिमा भएको थियो | एक साता सम्म चल्ने खोप कार्यक्रममा करिव १ हजार भन्दा बढी  घरपालुवा तथा सामुदायिक  कुकुर बिरालोहरुलाई रेबिज  बिरुद्दको खोप लगाइएको पशु स्वास्थ्य शाखाका रामेश्वर फुयालले  समुदाय खबरलाई जानकारी गराए| फुयालले  असोज १२ गते आलापोट स्थित कृष्ण चौरमा  १००  वटा घर पालुवा र  सामुदायिक कुकुर बिरालोहरुलाई रेबिज खोप लगाइएको जानकारी दिए |

रेबिज लागेका कुकुर, स्याल, बिरालो लगायतका पशुको टोकाइबाट मानिस र अरु स्तनधारी प्राणीमा सर्ने प्राणघातक रोग हो ।रोगका जिवाणुहरु रोगी पशुको र्‍यालमा रहने भएकाले त्यस्ता पशुले टोक्दा घाउसगै मानिसको शरीरमा प्रवेश गरी रोग उत्पन्न गर्छन् । रेबिज प्राणघातक रोग भएकाले रोगबाट जोगिन खोप लिनै पर्ने तथा बौलाहा हो भन्ने शंका लागेका पशुले टोके तत्काल साबुन पानीले धुने जस्ता रोकथामका उपाय अपनाउनुपर्ने चिकित्सकको सुझाव रहेको छ|

यस खोपबाट यस नगरपालिका धेरै जनावरहरुलाई खोप लगाईने र सो यस्ता प्राणघातक रोगहरु निर्मुल पार्न धेरै हदसम्म सहयोग पुग्ने विश्वासका साथ स्थानीयले राम्रो सहभागिता र सहयोग गरिरहेको फुयालले जानकारी गराए|