असोज ५, काठमाडौं।
नेचुरल बचत तथा ॠण सहकारी संस्था,लायन्स क्लब अफ साँखु मणिचुड, सक्वामी युवा क्लब तथा मदन भण्डारी फोउण्डेसनको आयोजनामा शंखरापुर नगरपालिका वडा नं ६ स्थित कलश पोखरिमा रक्तदान कार्यक्रम सम्पन्न भएको छ। काठमाडौं उपत्यकामा बढ्दो रगत अभावलाई ध्यान दिदै सो कार्यक्रम आयोजना गरिएको नेचुरल बचत तथा ॠण सहकारी संस्था, साँखुका शाखाका प्रबन्धक,घनश्याम नेपालले जानकारी गराउनुभयो।
करीव ५५ जनाले रक्तदान गरेका गरेको उक्त कार्यक्रमबाट संकलित रगत नेपाल रेडक्रस सोसाइटिलाई हस्तान्तरण गरिएको छ। उक्त कार्यक्रममा शंखरापुर नगरपालिका मेयर सुबर्ण श्रेष्ठ, उपमेयर शुक्रलक्ष्मी श्रेष्ठ,महानगरिय प्रहरी प्रभाग साँखुका प्रमुख, प्रहरी निरिक्षक गोबिन्द पन्थी तथा नेचुरल बचत तथा ॠण सहकारी संस्थाका प्रबन्ध निर्देशक बिकल पाठकको उपस्थिती थियो।
