कागेश्वोरी मनोहरा वडा नं १ मा साइकल र्यालीको आयोजना

असोज २४,काठमाडौँ |

कागेश्वोरी मनोहरा नगरपालिका वडा नं १ मा आज  (शनिबार) साइकल र्यालीको आयोजना गरिएको छ|नेपाल बक्स अफिस फिल्म  फेयरले आयोजना गरेको उक्त्त कार्यक्रम कागेश्वोरी मनोहरा नगरपालिका १ स्थित गागल सहिद पार्कमा भएको हो | काठमाडौँ उपत्यकाको  आन्तरिक पर्यटन प्रबर्द्दन र कोरोना भाइरस कोभिडबाट “आफु बचौं र अरुलाई बचाऔं” भन्ने मूल अभिप्रायका साथ सो कार्यक्रम आयोजना गरिएको  आयोजकले बताएको  छ |

समुदायखबरसंग टेलिफोनमा  छोटो कुराकानी गर्नुहुदै कागेश्वोरी मनोहरा नगरपालिका, वडा नं १ का वडाअध्यक्ष  मुकुन्द गजुरेलले सो कुराको जानकारी  दिनुभएको हो  | साथै  कार्यक्रम अत्यन्तै सफल रहेको समेत सो अवसरमा उहाँले बताउनुभयो | उक्त्त कार्यक्रममा करिव २५८ साइकल यात्रीको सहभागिता थियो |कागेश्वोरी मनोहरा नगरपालिकाका  प्रमुख कृष्णहरि थापाको प्रमुख आतिथ्यतामा सम्पन्न उक्त्त कार्यक्रम काठमाडौँको भद्रकालिबाट सुरु भएको थियो |उक्त्त कार्यक्रममा नगर प्रमुख थापाले सहभागीलाई प्रसंशा पत्र प्रदान गर्नुहुदै यस्ता  कार्यक्रमले बातावरण संरक्षणमा महत्वपूर्ण योगदान पुर्याउने बताउँदै आयोजकलाई धन्यवाद व्यक्त गर्नुभयो |

(तस्बिर सौजन्य :शैलेन्द्र रायमाझीको फेसबुक वाल )