राप्रपाले छापभञ्ज्याङ केराबारी सडकको पहिरो पन्छायो

भदौ२९, काठमाडौं।रास्ट्रीय प्रजातन्त्र पार्टिको पहलमा काठमाडौं जिल्लाको शंखरापुर नगरपालिका वडा नं १ स्थित छापभन्ज्याङ केराबारी सडक सरसफाई गरिएको छ।राप्रपाका क्षेत्रीय समिती सदस्य दोर्जे लामाको बिशेष पहलमा बर्षामा गएको पहिरो पन्छाई सो सडक सुचारु गरिएको हो। साँखु मेलम्ची राजमार्गबाट करिव २ किलोमीटर भित्र रहेको सो सडकमा गएको पहिरोका कारणले त्यहाँका स्थानियबासीलाई दैनिक ओहोरदोहोर गर्न समेत अफ्ठ्यारो भएकाले आफैले यस कामको  पहलकदमी लिएको राप्रपाका नेता लामाले बताउनुभयो। स्थानिय जनप्रतिनिधि चुनाव जितेपश्चात् कहिलै गाउँ फर्केर नआएको र हाल गाउलेको दुखमा साथ दिएकोमा स्थानिय श्याम लामाले राप्रपा तथा  नेता दोर्जे लामालाई बिशेष धन्यवाद दिनुभयो। साथै आगामी दिनमा यस वडामा रहेका अन्य सडकहरुको समेत मर्मत गर्ने योजना रहेको समेत सो अवसरमा लामाले बताउनुभयो।