भदौ ५ काठमाडौं ,२०७९।
संस्कृति पर्यटन तथा नागरिक उड्डयनमन्त्री जिवनराम श्रेष्ठले आज एक कार्यक्रमका बिच गायक दिवेश पोखरेललाई नेपालको पर्यटनका लागि विश्व सद्भावना दूत नियुक्त गर्नुभएको छ।सो अवसरमा मन्त्री श्रेष्ठले गायक पोखरेलले आफ्नो प्रतिभामार्फत नेपाललाई विश्वमा चिनाउन महत्वपुर्ण योगदान दिनुभएको साथै प्राकृतिक सुन्दरता, जैविक तथा सांस्कृतिक विविधताले भरिपूर्ण नेपालका प्राकृतिक र सांस्कृतिक सम्पदाहरूको प्रचारप्रसारमा थप योगदान दिने बिश्वास लिएको समेत बताउनुभयो।
काठमाडौंको रविभवनमा जन्मेर उच्च शिक्षा अध्ययनको सिलसिलामा अमेरिका जानुभएका पोखरेल ‘अमेरिकन आइडल’को स्टेजमा दमदार उपस्थिति जनाई लोकप्रीय बन्नुभएको थियो । पोखरेलजस्ता नयाँ प्रतिभाहरुले नेपाललाई विश्वमै नयाँ पहिचान दिन सफल भएको समेत बताउनुभयो।
