असोज २७ काठमाडौं।
शंखरापुर नगरपालिका वडा नं १ निवासी कलाकार शुसिला घ्लानको निधन भएको छ।तामाङ भाषाका गित मार्फत कलाकारिता क्षेत्रमा उदाएकि घ्लानको जोरपाटी स्थित नेपाल मेडिकल कलेजमा शुक्रवार बिहान ५:०० बजे निधन भएको हो।
उनलाई केही दिनदेखी जण्डिसले चापेर अस्पताल भर्ना गरिएको थियो।२५ बर्षीय घ्लानले विभिन्न म्युजिक भिडियोहरुमा अभियन गरेकी छिन्। उनले अभियन गरेको ‘दुप्चेश्वर मेला’, ‘टुङ्नाको धुन’, ‘ल्होछार मेला’, ‘डम्फूमा सेलो’ जस्ता गीत लोकप्रिय छन्। उनले अभियन गरेको ‘मायाभन्दा ठूलो जात होइन कहाँ पर्यो घर ‘बोलको म्युजिक भिडियो सार्वजनिक हुने क्रममा रहेको छ।
कलाकार घ्लानको शुक्रबार नै बौद्ध जोरपाटीस्थित जम्बोडाँडामा अन्तिम संस्कार गरिएको छ।
