काठमाडौँ । नेपाल कम्युनिस्ट पार्टी (एमाले) परित्याग गरी कीर्तिपुर नगरपालिकाका पूर्व मेयर रमेश महर्जन नेपाली कम्युनिष्ट पार्टीमा प्रवेश गरेका छन ।उनीसंगै  वडा नं. ६ का पूर्व वडाध्यक्ष नुच्छे महर्जन पनि नेपाली कम्युनिस्ट पार्टीमा प्रवेश गरेका हुन्।

नवप्रवेशीहरुलाई पार्टीका संयोजक प्रचण्ड, पुर्वप्रधानमन्त्री जलनाथ खनाल तथा बामदेव गौतम लगायत नेताहरूले आज आइतबार पार्टी केन्द्रीय कार्यालय पेरिसडाँडामा स्वागत गर्दै पार्टीमा भित्र्याएका थिए ।

 पार्टी प्रवेश कार्यक्रमलाई सम्बोधन गर्दै संयोजक प्रचण्डले  नेपाली कम्युनिस्ट पार्टी धेरै कम्युनिस्ट पार्टीहरू मिलेर बनेको र यो एकता सिङ्गो एमालेसहितको बृहत् एकतामा पुग्ने धारण राखे ।
राष्ट्रवादी शक्तिहरूबिचको सहकार्यले देशको राजनीतिमा सकारात्मक सन्देश जाने प्रचण्डको भनाई थियो ।
नेपाली कम्युनिस्ट पार्टीका तर्फबाट कीर्तिपुर–१० मा तारा चिह्नबाट उम्मेदवार रहेकी रूपा मर्हजनलाई विजयी गराउन नवप्रवेशीहरुले  भूमिका खेल्ने प्रतिबद्धता जनाए।

 

अम्बिरबाबुले ओखलढुंगामा निर्वाचन जित्ने यस्तो छ आधार

काठमाडौं -४ का उमेदवार इन्द्रकुमार भुसालको प्रतिबद्धता पत्र सार्वजनिक