असोज८,स्याङ्जा।
अबिरल बर्षा सङ्गै खसेको पहिरोमा पुरिएर स्याङ्जाको वालिङमा पाँच जनाको मृत्यु भएको छ भने अझै ४ जना बेपत्ता छन।
आज बिहानआएको पहिरोमा पुरिएर वालिङ १४ तमादीस्थित खसेको पहिरोमा पुरिएका हराएको मध्ये पाँच जनाको शव निकालिएको जिल्ला प्रहरी कार्यालयले जनाएको छ।
मृत्यु हुनेहरुमा वालिङ १४ बस्ने २८ वर्षीया उमाकला नेपाली, ४८ वर्षीया माया नेपाली, ३० वर्षीय दीपक नेपाली, ६० वर्षीया सानी नेपाली र ९ वर्षीय विवश नेपाली रहेका छन् ।
अहिलेसम्म म्र्त्यु हुनेमा तीन महिला र दुई पुरुष रहेका छन। एकै परिवारमा दश जना बस्दथे। म्र्त्यु हेने सबै एकै परिवारका सदस्य भएको खुल्न आएको छ।
घटनास्थलमा नेपाल प्रहरी, सशस्त्र प्रहरी, जनप्रतिनिधि, स्थानीयले बिहानैदेखि उद्दार कार्यलाई जारी राखेका छन् । माथिबाट निरन्तर पहिरो खसिरहेकाले उद्दार कार्यमा कठिनाई भएको प्रहरीले जनाएको छ ।
