नाङ्गलेभारे गाबिसका पूर्व जनप्रतिनिधि हिरालाल दंगालको निधन

कार्तिक ९ काठमाडौँ|

शंखरापुर नगरपालिका वडा नं १ का पुराना कम्युनिस्ट नेता हिरालाल दंगालको आज बिहान ४ :०० बजे  ८४ बर्षको उमेरमा दुखद निधन भएको छ|स्वर्गीय  दंगाल  २०४९ सालको स्थानीय निर्वाचनमा साबिक नाङ्गलेभारे गाबिस, वडा नं ५ मा वडा अध्यक्षमा निर्बाचित् हुनुभएको थियो | साथै उहाले यसै वडामा रहेको  नवीन ग्राम माविको बिधालय व्यवस्थापन समितिको सदस्य रहेर समेत काम गर्नुभएको थियो| उहाँको दिबंगत शरीरलाइ आज पशुपती आर्यघाटमा कम्युनिस्ट पार्टीको झण्डा ओडाएर  अन्तिम सस्कार  गरिएको छ | नेकपा काठमाडौँ जिल्ला कमिटि सदस्य सृजन शर्मा, राम प्रसाद खनाल, राजु दंगाल तथा शंखरापुर नगरकमिटि सचिव रामकुमार तिवारी तथा नेकपा शंखरापुर नगर कमिटि सदस्य दल बहादुर तामाङ्गले संयुक्त रुपमा कम्युनिस्ट पार्टीको झण्डा ओडाएर श्रदान्जली ब्यक्त गर्नुभएको थियो|  नेकपा शंखरापुर नगर कमिटि सदस्य दल बहादुर तामाङ्गले  उहाको निधनले शंखरापुरको कम्युनिस्ट आन्दोलनमा ठुलो क्षति पुगेको  बताउनुभयो|

(स्व. हिरालाल दंगाल)