मेयर श्रेष्ठद्वारा कृषकलाई हात्ते ट्याक्टर वितरण

फागुन २, काठमाडौँ|

शंखरापुर नगरपालिकाका मेयर सुबर्ण श्रेष्ठले आज एक कार्यक्रमका बीच शंखरापुर नगरपालिकाका किसानलाई ट्रयाक्टर बितरण गर्नुभएको छ| पर्यटन र कृषिलाई समृद्दीका मुख्य आधार तय गरेको यस नगरपालिकाले बिभिन्न समयमा कृषि बिउबिजन,प्लास्टिक टनेल,बिषादी स्प्रेयर वितरण  गरिरहेको  छ आब ७७/७८ का लागि कृषि शिर्षकमा विनियोजित बजेटबाट  ५०% अनुदानमा किसानलाई  ३२ वटा हात्ते ट्रयाक्टर वितरण गरिएको शंखरापुर नगरापालिका कृषि शाखाका प्राबिधिक सहायक अर्जुन प्रसाद चौलागाईंले बताउनुभयो|आज वितरण गरिएको ट्रयाक्टरको कुल मूल्य ४८ हजार रहेकोमा किसानले ५०% अनुदान सहित  २४ हजारमा प्राप्त गरेका हुन्  |

शंखरापुर नगरपालिकाले बिभिन्न समयमा मागेको निवेदनका आधारमा यस नगरमा दर्ता भएका  ९ वटा वडाबाट छनोट भएका  कृषक समूह ,कृषि सहकारी तथा व्यक्तिगत कृषि फर्मलाई उक्त्त सामाग्री वितरण गरिएको बताइएको छ| ६ हर्स पावर  क्षमता भएको उक्त्त ट्रयाक्टर डिजेलबाट चल्ने बताइएको छ|